الأمومة أدب مش هز كتاف

الأمومة أدب مش هز كتاف

in arabic by

كتبتها: مروى خير الله

الأمومة مش بطن كبرت، ولا سالوبتات pink، وچينز، وكوتشي أصغر من كفك.. و تيشرت عليها باتمان، ولا عربية فيها بيبي طول الليل سهران ! الأمومة مش حنسميه أيه، ولا شعره طلع لونه أيه ولا طلعت حلوة زي مامتها !
الأمومة خلف الكواليس غير اللي بنشوفها في عزومة على غدا في تشيليز، ولا سهرة في فرح بفستان سواريه. الأمومة مش زى ما بتشوفها في كارفور، ولا أي مول ..!
الأمومة خلف الكواليس في منبه بيرن الساعة ٦، وعين مش بتغفل قبل الساعة ٢! الأمومة في طبق رز عليه بامية، وطبق سلطة لو مخلصش، يبقى مفيش مصروف ! الأمومة في إيد عالكلاكس بتوسع عشان تلحق التمرين و تدهن بليل في الكريم عشان شد العضل متين .. الأمومة بتتدفى في حضن ولادها في عز البرد و تحط بإيدها كمادات ساقعة للعيانين! الأمومة كيكة بتبوظ فتجرب تاني، وتالت طريقة مين، ولا مين ! الأمومة بتبكي ساعات بالليل، وتصحي جواها أمل كبير !
الأمومة ورق، ومذاكرة كتير، وورشة تلوين كمان! الأمومة حاجات كتير حب، واحتواء، وحب الغير .. الأمومة مش بالخلفة وبس، الأمومة حضن كبير. الأمومة احتواء للصغير، والكبير. مش كل اللي خلفوا أمهات، وفيه أمهات كتير مخلفوش بس احتووا، وكانوا كتف، وظهر، وسند، وأمان. الأمومة احتواء.. احتواءك لصديقة في عز ضيقتها أمومة، وحنيتك على زوجك، وخوفك عليه أمومة .. احتواء أختك ليكي أمومة 💗 القطة اللى بتربيها أمومة 🌸 ده أنا ساعات بأحس في حضن بنتى ليا إنها أمي💕
الأمومة دعوة في نص الليل، واختيار حر إنك تبقى رقم ٢ 😍
كل سنة، وكل عاطفة أمومة في كل مكان، ولأى كائن متباركة من فوق سبع سماوات 🌹
#مــروى_خيرالله

Latest from arabic

هذه الاسباب التي تجعلك تخسري الراجل النسوانجي وانتي الكسبانة

العقل المثير

لسنوات كنت اسأل كل من أقابله ما الذي يجعلك تقع في غرام
عاهرة المشاعر

عاهرة المشاعر

تشكو في أذني النساء دائمًا من أن هناك رجلًا أشبعها بالاهتمام، والملاحقة،

Pin It on Pinterest

Go to Top