هذه الاسباب التي تجعلك تخسري الراجل النسوانجي وانتي الكسبانة

العلاقة المريحة

in arabic by

ساعات تقوم الصبح مهموم وحاسس أن قلبك بيوجعك وجسمك تقيل وبترجم الحالة بجملة واحدة ” مليش نفس” فى الغالب الانسان لما بيصحى طاقته مستهلكة بيكون لسبب ما، ممكن مشاكل الشغل أو المجتمع أو السياسة أو مشاكل مع الأهل والأصحاب فى مليون سبب لكن بينهم سبب مهم جدا وهوأنه عايش فى علاقة حب مش مريحة علاقة مستهلكة طاقة دماغه وقلبه.

تعرف ازاى أن علاقتك بالأخر مريحة أو مستهلكة لطاقتك ؟
جاوب على الاسئلة ..

  • بتخاف تحكى موقف من يومك محتاج تشاركه لكن خايف تتفهم غلط ؟ (الفضفضة)
  • لو الاخرمسافر أو مختفى أومشغول بتحس أن حاجة فى يومك ناقصة ؟ (الونس)
  • بتحوش فلوس للزمن من وراه أو مش بتشاركه ماديا فى أى شىء ؟ (الامان المادى)
  • لو جالك سرطان هيسيبك ولا أنت متوقع أنه طبعا هيسندك ؟ (الامان المعنوى)
  • خانك قبل كده أو ممكن يخونك ؟ (الثقة)
  • هل بينكم مشاكل جسدية أونفسية فى السرير ؟ (الجنس)كان عندى صديقة لما أبوها يسافر أمها ملهاش نفس تطبخلهم وبتبقى وحيدة فى أوضتها بتنام مع بناتها فى أوضتهم وكانت بتبقى ساكتة وطاقتها فى الأرض ولما يرجع أبوها كل التفاصيل بتتبدل وأمها بتنور وبتضحك وبتبقى عندها طاقة للخروج والطبخ وتلف الأيام والست تعبت ودخلت المستشفى وكان الأب هو اللى مصمم يبات معاها ويتحمل مسئوليتها رغم وجود بناتها الاتنين ولما ماتت مات الأب بعدها بشهرين لأسباب مرضية لكن السبب الحقيقى كان بحسرة قلبه على فراقها.

 

فى ستات ورجالة فى الحياة بيحسوا بالونس مع بعض، الست مش بتعتبر الراجل عبء على قلبها الصبح تطبخله وبالليل تلبى نداء جسده وتعتبرالاتنين واجبات زوجية بتعملها من باب خلى المركب تمشى ولو سافر أو اختفى بركة ياجامع مش مهم أحسن ارتاحت.

وكذلك الراجل بيحس أن الست شىء تقيل وانسان بيهرب منه وبيحاول يعمل اللى عليه لمجرد أن مركب الحياة ماشية ولواختفت لسبب ما فهو ارتاح من الزن وارتاح من الست اللى بتاخد فلوس ومابتديش ونس.

 

لكن العلاقات المريحة مليانة ونس، ست بتطبخ بقلب علشان تملى بطن راجل بتحبه شبع بمحبة وتلبى نداء الجسد برغبة مشتركة بالاستمتاع لأنها لحظة قرب من الروح بتشبعهم بالكثير من المحبة وعدم وجوده بيبقى افتقاد لصديق ورجوعه اختزال لأدوار ناس كتير حواليها وتنساهم وتسكن فى كف ايده وحضنه والراجل بيعيش تايه من غير ست بيحبها وعقاب لقلبه ويومه بعدها عنه.

العلاقة المريحة هى علاقة مرنة الجوهر فيها أنكم اتنين اصحاب بتعرف تتكلم سوا وبينهم ثقة معنوية ومادية وعاطفية وبينهم علاقة جنس ناجحة، اتنين محتاجين بعض مش عبء على قلوب بعض.