خمس تصرفات تخسرك الست اللى بتحبها

in arabic by
١- التجاهل
لما تزعلها صالحها وهي في قمة غضبها لأنها هتحترم أنك ماشترتش دماغك وسيبتها تولع، اوعي تصالحها بعد أيام لما هي تغير مودها بنفسها وتبقي مبسوطة فتروح تلطف الجو وعقلك يقولك هو ده الوقت المناسب .. غلط .. لانها هتنفجر في وشك أكتر لانك بتختار الوقت اللي هي سعيدة فيه وهتفتح جدل مين غلطان ومين لا !
زعل الست زي ستارة مسك فيها عود كبريت، حاول تفكر لو سبته يومين وجيت تطفيه أحسن ولا لو طفيته دلوقتي ! .. في الغالب الرجالة مش فاهمة النظرية دي وبتصالح بعد ما الستارة تبقي فحمة، مش هتنسالك أنك نيمتها مفلوقة من العياط وبتحس حتى وهى معاها راجل في حياتها أنها وحيدة.
٢- الخيانة
مايمفعش تبقى ندل وتخون ست وتطلب منها تنسى، مايمفعش تكدب عليها طول الوقت وبعدين تحلفلها وتطلب أنها تثق فيك، يمكن تسامحك لو لسه باقى فى قلبها مشاعرلكن الحقيقى أنها هترجعلك بنص قلب ونص ثقة ونص حياة.
٣- البخل
الستات مش بتحب فى حياتها قد الكرم، الراجل الكريم فى مشاعره وفلوسه وحنيته هو النعمة الحقيقة مش حقيقى أنك لو كنت كريم معاها ماديا يبقى البخل العاطفى مش أزمة، ومش حقيقى أنها هتستغلك وتعتبرك ضعيف قدامها الا لو كنت بتحب انسانة مريضة لكن أى ست سوية هتعتبر ده نعمة وهتزود رصيد مشاعرك فى قلبها وهتملكها للأبد.
٤- الخذلان
عايز تخسر ست فعلا أخذلها .. اتخلى عنها فى وقت هى محتجالك فيه، فضل شغلك وأصحابك وأهلك عليها، الست بتشوف الراجل اللى بتحبه سندها وضهرها فى الدنيا لو شافت من أفعالك فى الأزمات غير كده، تأكد لوالست خسرت الأمان معاك أنك خسرتها.
٥- قلة التقديروجفاف المشاعر 
الست أتخلقت علشان تتقدر وتتعاكس وحد يقولها شكرا أنك موجودة وتسلم ايدك على الأكلة الحلوة وماعرفش أعيش من غيرك، بلاش تبقى أنانى وتعاملها بأسلوب أنت ماتقدرش هى تعاملك بيه، بلاش تبقى متسلط ومتحكم فيها وتحسسها أنها قليلة وماتخلقتش الا للمطبخ أو السرير لكن لا تصلح أنها تفكر وتحلم وتشتغل وتشاركك القرار، أنت بتقلل ثقتها بنفسها وبعدين تتهمها أنها ملهاش شخصية، هى مجرد تابع وليست شريكة حياة .. كسرة النفس ملهاش لزق .. قدرها تكسبها.

Leave a Reply

Your email address will not be published.

*