خمس تصرفات تخسرك الست اللى بتحبها

أعصاب الستات

in arabic by

الست اتخلقت اعصابها خفيفة وبتضعف أمام صدمات الحياة كل يوم اكتر فى كل مرحلة من حياتها تعانى ..

مرحلة البلوغ دخول عالم جديد بتبقى ضايعة ونفسيتها تعبانة وقارفة أمها عياط وغلاسة دون سبب ..

مرحلة الشباب هرموناتها تنقح عليها وتصبغ شعرها ستين لون وتقعد كل شهر تسأل نفسها هى حقيقى بتحب عصام ولا بتحاول تنسى بيه مدحت

بعد الجواز من واحد تالت خالص مرحلة الحمل تقضى على ما تبقى من عقلها الانسانى والاكتئاب بعد الولادة، الستات تشعر بعد الولادة أن حياتها ضاعت وأن رغم أنها ارادت وبشدة هذا الطفل الا أنها انهارت أمام المسئولية اليومية والارهاق وقلة النوم وكل يوم عن يوم المسئولية مع سنه بتزيد ومع التقلب الشهرى الست بتتشوى زى الفرخة يمين شمال لحد ما تتفحم على سن اليأس !

أنا لما بلاقى ست عدت الخمسين ولسه فيها روح تضحك والمصحف بحضنها وأعيط

بقول صاحبتي عارفة معظم الستات اللي عندها ” بانك اتاك ” جاتلها بعد الجواز

علشان وأنتي سنجل بتبقي حرة ..

كل يومك وقرارتك وحياتك في ايدك لوحدك

وفي دايما راجل بيلف وراكي وبيحبك ..

بعد الجواز أنتي ..

يا بتتعاركي وتشحتي الاهتمام

يا بتخلفي وتتسحلي بعيالك

يا بتفهمي راجل أنتي مخنوقة و200% مش فاهمك

يا تسامحيه وتغفري غلطاته في حقك علشان الدنيا تمشي

ياتطنشيه وتعيشي حياتك مع أصحابك وشغلك تعيسة في شكل خارجي سعيد

في كل الاحوال الصراع بين قلبك وعقلك واللي عايزاه واللي مفروض تعمليه بيخلق جواكي خوف هائل من الحياة، هناك شئ مسيح خلايا نفوخك ومكهرب قلبك.

الدنيا بتخبط فيكي يمين وشمال من عيال لراجل لمسئولية .. أنتي بتبقي طول الوقت خايفة والأوقع ياغادة طول الوقت بتضحي ومعدية الدنيا .. وبتسألي نفسك ستين سؤال مالهومش اجابة ! .. عايزة تغيري حاجات ومش قادرة عليها.

الصراع ضغط وهو اللي بيخلق البانك اتاك .. نفسك تبقي حرة ومش عارفة محبوسة في قفص .. حتي الطلاق لا يجلب الحرية بيجيب الهم برده .. أحنا محتاجين معجزة ياعزيزتي

” كل بانك اتاك في حياة ست وراها حياة حتة فيها غصبعنها “

التركيبة النفسية للست هي اللي بتتحكم فيها وفي أفعاله وطاقتها وحبها أو كرهها للاخرين.

التركيبة النفسية بتختل بالجواز وبتنفجر بالخلفة .. علشان كده بسهولة اتنين بيحبوا بعض ممكن بعد عيال وسنين يتطلقوا عادي جدا لأنها بقت تعيسة ومطفية ومرهقة نفسيا وبتحمله ذنب كبير وجزء من التهمة أنه وصلها لكده .. ويمكن حقيقي هو فعلا متهم لكن هي كمان استسلمت للحالة وماقدرتش تقاوم مع نفسها أولا.

ليا اتنين من أصحابى اتجوزا عن حب وفجأة قرروا الطلاق بعد عشر سنين وطفل جميل بينهم ولما سألتها قالتلي تعبت .. مش قادرة أكمل ياغادة حاسة أن عندي طفلين في البيت، مش لاقية حد بيطبطب عليا، طول النهار في دوامة وحاسة أنه اتب في ضهري وتقل علي كتافي مش سند لضهري وكتف في كتف اقدر اتسند عليه.

لما اتكلمت معاه قالي أنا عمري ما خنتها وبجيبلها اللي هي عايزاه وعلاقتنا الجنسية منتظمة ورائعة وعمري لا ضربتها ولا شتمتها في خناقة وبحب ابني جدا ..
تبقي زوجة  نمرودة ولا ايه ؟ اعملها ايه تاني ؟

قلتله هي مرهقة نفسيا، أنت زوج بالورقة والقلم رائع ومعاملتك ليها زي ما كنتوا في الخطوبة لكن الوضع اتغير .. الفلوس مش هتطبطب عليها والشنط والجزم الغالية هتحضنها وتسمعها وفكرة أنك ماخنتهاش ده مش تفضل منك ده واجب والحقيقة أنا مقدرة فكرة أن الجنس عظيم زي ما بتقول وأنك زوج مثالي لكن تفتكر هي زعلانة ليه .. بطلت تحبك ليه .. حاسة بالمعاناة معاك علشان ايه !

قالي طب وأنا أعملها ايه يعني بعد كل ده ؟

قلتله عندك حلين .. تطلقوا وتبعدوا وتتعاملوا بتحضر في تربية الولد وكل واحد يبدأ حياة جديدة مع شريك مختلف كراجل بدائي بيحل مشاكله باستبدالها.

أو أنك تبقي راجل متطور وتسكت وتسمع هي كانت محتاجة تحضنها امتي وكانت محتاجة تسمعها امتي وكانت محتاجة تعيط في حضنك امتي من غير اتهامات أنها ضعيفة أو مقصرة أو مهملة أو مش عارفة تبقي أم .. لو أنت مابتضعفش كراجل وتركيبتك النفسية أقوي فهي كست منهارة ومحتاجة دكتورنفسي أو حضن راجل بيحبها .. أنت اختار.

Tags:

Latest from arabic

بلاش المتجوزين

بلاش المتجوزين

المتجوزين عندهم حالة مسئولية وملل وصراع يومي، فابعدوا عنهم، العزاب يشاغلوا بعض
هذه الاسباب التي تجعلك تخسري الراجل النسوانجي وانتي الكسبانة

 رسالة من جدتى

  عزيزتى جدتى .. دائمًا يخبرنى أبى: عندما أتمرد أننى حملت جزء
هذه الاسباب التي تجعلك تخسري الراجل النسوانجي وانتي الكسبانة

رسالة من جدتى

  عزيزتى جدتى .. دائمًا يخبرنى أبى: عندما أتمرد أننى حملت جزء
هذه الاسباب التي تجعلك تخسري الراجل النسوانجي وانتي الكسبانة

العلاقة المريحة

ساعات تقوم الصبح مهموم وحاسس أن قلبك بيوجعك وجسمك تقيل وبترجم الحالة
هذه الاسباب التي تجعلك تخسري الراجل النسوانجي وانتي الكسبانة

العقل المثير

لسنوات كنت اسأل كل من أقابله ما الذي يجعلك تقع في غرام

Pin It on Pinterest

Go to Top