اتكلمنا قبل كده عن 9 أنواع للزيوت، وازاي تستخدميها لشعرك علشان يطول وينمو، وحمايته من تقصف أطرافه، واتلكمنا عن أفضل 3 زيوت أساسية للشعر، وهن هنوضح كل نوع من انواع الشعر وازاي تستخدمي الزيت حسب نوع مسامية الشعر

الشعرالي مساميته منخفضة :-

استخدام الزيت دايمًا شايفاه جزء أساسي من روتين يومي، بس ازاي وامتى تستخدميه لشعرك؟ لازم تستخدمي زيت خفيف زي زيت الي بستخدميه بعد ماتغسلي شعرك، علشان يقلل من رطوبة الشعر، فبعد ماتنشفي شعرك وحطيتي البلسم أو الكريم بتاعك، ضيفي قطرتين من الزيت ودلكي بيه فروة راسك كويس، زي زيت الأرجان، أو الجوجوبا، او زيت بذور العنب، وزيت اللوز الحلو، ودول من أفضل الزيوت الخفيفة بتمنع رطوبة الشعر، ومبتخليش الشعر الدهني.

وده ميمنعش انك تستخدمي الزيوت التقيلة علشان تعملي حمام زيت لشعرك او تعملي جلسة ترطيب له قبل ماتستحمي، وليه متخلطيش زيت الخروع مع ماسك الشعر المفضل ليكي علشان تستمتعي بعلاج رائع وترطيب قوي لشعرك؟ او تستخدمي زيت الزيتون مع زيت الخروع وزيت جوز الهند لعلاج قوي لشعرك، انك تستخدمي الزيوت التقيلة وتعملي بيها حمام زيت لشعرك وبعدين تغسليه ده بيخليكي تستفيدي من الفوائد الي في الزيوت بدون ماتحسي ان شعرك تقيل او دهني.

للسيدات الي مسامية شعرهم منخفضة: شعرهم بيبقى عنده حساسية من البروتين، وبما ان زيت جوز الهند بيساعد على تقوية البروتين الي موجود في الشعر، فلو استخدمتيه بشكل متكرر أو لوحده هيتسبب في جفاف الشعر ويخليه هش، علشان كده امنعي الطريقة دي، استخدميه بس مع أي زيت او منتج آخر لمدة مرتين في الشهر بس.

مسامية الشعر العالية:-

هيا عكس مسامية الشعر المنخفضة، علشان كده بيكون زيت جوز الهند هو أفضل استخدام ليها، وممكن تستخدميه بكل الطرق وانتي هتشوفي اثره بسرعه على شعرك، وممكن تخلطيه مع زيت الزيتون وزيت الأفوكادو، وزبدة الشيا، وتعملي منهم حمام زيت لشعرك قبل ماتستحمي، وممكن تستخجميه لقفل رطوبة الشعر بعد ماتستحمي، ومش هيخليه دهني خالص لأن الشعر هيمتصه بسهولة جدًا، استخدمي من 2 ل 3 قطرات بعد ماتستحمي وقبل ماتحطي اي منتج لشعرك عليه، وحطي حبة صغيرين من أي زيت هتستخدميه.

زيت الخروع من أفضل الزيوت الممتازة لجميع انواع الشعر واستخدميه كحمام زيت  دافئ قبل ماتستحمي.

هنا هنلخص الاستخدامات المختلفة للزيوت :-

الشعر الجاف : الزيوت العطرية : زيت الجوجوبا، زيت اللوز ، زيت الزيتون، زيت جوزالهند، زيت الخروع ، زبدة الشيا

الشعر الخشن : زيت الأرجان، زيت الجوجوبا، زيت بذور العنب

نمو الشعر : زيت الأفوكادو، زيت الخروع، زيت بذور العنب، زيت جوز الهند

قشرة الرأس : زيت الخروع، زيت الأفوكادو، زيت الزيتون، زيت الجوجوبا، زيت الأرجان

الشعر الجاف : الزيت الأساسية : زيت اللافندر، زيت الروزماري

الشعر الخشن : زيت اللافندر ، زيت الروزماري

نمو الشعر : زيت النعناع، زيت اللافندر، زيت الروزماري

قشرة الراس : زيت الروزماري