لو كنتي من صحاب الشعر المجعد فأكيد قابلك كتير كلمة ” مسامية الشعر” بس لو كنتي لسه جديدة في فكرة تجعيد الشعر، فلازم تعرفي تفاصيل مهمة جدًا عن مسامية الشعر وإزاي بتأثر عليه.

الموضوع بسيط خالص في شرح المسامية إنها بتوضح إزاي الشعر عنده قدرة كبيرة على امتصاص الرطوبة ويحافظ عليها، وبتتأثر طبقة الشعر الي برا لأنها مرنة، وهي الي بتحدد ازاي الرطوبة ممكن توصل للشعر من جوا ومن برا، وكمان مسامية الشعر هيا الي بتساعدك في انك تختاري المنتجات الي هتناسب نوع شعرك وتحافظ عليه دايمًا رطب وقوي ولامع.

إزاي ممكن تعرفي مسامية شعرك؟

فيه طريقتين بسيطتين جدًا علشان تعرفي أول حاجة :-

تجربة الكوباية: جربي تحطي خصلات من شعرك وهو نضيف بعد ما تستحمي على طول وقبل ما تحطي أي حاجة عليه، في كوباية ماية دافية، وانتي بتحطي شعرك حطيه براحة جدًا علشان تاخدي النتيجة المطلوبة، وسيبي الخصلات في الماية من 3 ل 5 دقايق علشان تعرفي هتنزل في المية ولا هتطلع على الوش أو هتفضل في وسط الكوباية، وساعتها هتعرفي درجة مسامية شعرك سواء كانت عالية، او متوسطة أو منخفضة.

الطريقة التانية : تابعي نظام شعرك

لو كان شعرك بيتبل وينشف بسرعة فده معناه إن مساميته عالية، وإن شعرك بيمتص الماية بكل سهولة، وسهل تخلصي من المية الي عليه ،  ولو كان شعرك بيتبل وينشف ببطء فده يدل إن مساميته منخفضة، وصعب إنه يمتص الماية بس بيقيس الرطوبة بشكل كويس جدًا

ودلوقتي هنوضح اكتر ونتكلم عن كل نوع مسامية بشكل مفصل وازاي نعنتني بكل نوع

مسامية الشعر المنخفض:- LPH

إيه هي خصائصه؟

الشعر المجعد بيحتاج وقت طويل علشان ينشف-

منتجات الشعر للمسامية المنخفضة بتنشف المية بدل ما يمتصها-

مبيمتصش الزيوت بكل سهول-

صعب يمتص رطوبة-

ممكن يسبب حساسية من البروتين عند بعض الناس-

ازاي تعتني بيه؟

استخدمي السيشوار على درجة حرارة عالية باستخدام فوطة أو بونيه الاستحمام، علشان يمتص المنتجات بشكل أحسن، ويفضل انك متحطيش منتجات بشكل كبير وخصوصًا على فروة الراس

علشان تبعدي عن تجعيد الشعر حطي المنتجات والشعر رطب مش مبلول*

استخدمي الشامبو والبلسم الخالي من أي كبريت زي خل التفاح أو معالجات بيكربونات الصوديوم، علشان تخلصي شعرك من أي تراكم لأي منتج*

في روتين العناية بشعرك

  LCO استخدمي طريقة *

 سائل، كريم، زيت) والزيت بيمنع التسريب علشان كده لازم  تستخدميه على الشعر الي مساميته منخفضة في آخر خطوة خالص)

استخدمي مكونات فيها ماية بتساعد انها توصل للشعر بسهولة زي حليب الشعر*

ابعدي عن استخدام أي زيوت تقيلة على مسامية الشعر المنخفضة*

استخدمي المية الدافية علشان تفتحي المسام والمية الساقعة علشان تقفليها*

لازم تتأكدي من المنتجات الي بتستخدميها ويكون فيها نسبة بروتين أقل، وابعدي عن المنتجات الي فيها نسبة بروتين عالية*

استخدمي زيوت خفيفة زيت زيت الأرجان، وزيت الجوجوبا*

استخدمي الروائح الخفيفة زي الجليسرين والعسل*

 

مسامية الشعر العادي:-NPH

إيه هيا خصائصه؟

بيمتص ويحافظ على رطوبة الشعر بسهولة-

له أنواع كتيرة كويسة-

الشعر المجعد فيه مرن وتقيل-

مبيحتاجش عناية كتير-

ممكن يتصبغ بشكل كويس-

 

ازاي تعتني بيه؟

حافظي على انك تعالجيه كويس وتحافظي على انه يمتص أي منتج  بشكل كويس*

مفيش طريقة معينة ونهائية علشان تعتني بنوع شعرك كويس، بس لازم تتأكدي من انك بتستمري في مراقبة جودة شعرك وبيحتاج ايه كل شوية*

 

الشعر الي مساميته عالية :-HPH

إيه هيا خصائصه؟

بيحتاج للكتير من المنتجات لفك تعقيدات الشعر-

بشكل كبير بيظهر ناشف معظم الوقت-

التجعيدات الي فيه بتظهر قوية جدًا-

بيفقد الرطوبة الي فيه بشكل سريع جدًا-

بيتعرض للتشابك بسرعة-

ازاي تعتني بيه؟

استخدمي أقل درجة حرارة له، والأحسن انك تنشفيه بالهواء، ومتغسليهوش بماية سخنة أبدًا*

استخدمي علاجات عميقة في روتين العناية به*

اغسليه بالماية الباردة علشان تقفلي المسام وتمنعي تجعيده*

استخدمي معالج البروتين كل 4 او 6 اسابيع علشان يفضل شعرك قوي*

 اتبعي طريقة L.O.C *

 سائل، كريم، زيت) علشان تمنعي رطوبة الشعر)

استخدمي الزيوت التقيلة زي زيت الزيتون وزيت الخروع لو شعرك سخن وشوية من زيت الخشب*

استخدمي زيت اخف زي زيت بذور العنب، ويزت جوز الهند للشعر الخفيف*

ابعدي عن أي علاج كيميائي لشعرك وأي صبغة*

استخدمي الألوفيرا لعلاج شعرك، والكريمات الخفيفة*

 

لازم تعرفي ان ممكن مسامية شعرك تتغير، لان ممكن تظهر جذور لشعرك تخلي مسامية شعرك مختلفة لباقي شعرك، علشان كده لازم تعرفي ايه الي بيحتاجه شعرك كويس ، وهتسمتعي بشعر رائع أكتر من أي وقت تاني