أحلي وأهم وأغلي قطعة شيكولاته فى نظرك هى اللي أمى وأمك قالوا ماتمدش إيدك عليها في الثلاجة و رغم أنك احيانا بتبقي أكلت زيها من شوية الا أنك برده نفسك فيها وبعد ما تاكلها غالبا بتندم لأن مفيش متعة وأكلتها سرقة رغم أنك كان ممكن تقعد تاكلها العصر مع نسكافيه في وسط الليفنج قدام نص العالم، الممنوع مرغوب حتى لونفس المتاح لكن يظن البشرأن الشيخ البعيد سره باتع وخلاص

الهدف الأسمى للرجالة من الخيانة هو ” العلاقة الجنسية ” كل الستات والرجالة بيلوجيا شبه بعض اللى دايما الفارق هو الاحساس، الشىء الذى لا يتكرر بين شخصين هوالاحساس وليس الممارسة

.الرجل الذى يستأجر امرأة من أجل المتعة تبيع له الهواء وليس الهوى، فالهوى نعمة نفسية لا تقدر بثمن فلا تباع ولا تشترى

الأكيد أنه هتضحك عليه بالصوت العالى، الراجل بالوقت والتجارب بيهدا ويتهد ويفهم أنها ست رخيصة بتشتغله لمجرد أنه يحس معاها أنه عنتر بن شداد، بيشترى مجد واحساس مزيف بالرجولة من صوتها. الأفلام الاباحية خربت دماغ البشر وصلت لعقولهم الصورة أن الراجل أضعف من البطل والست أقل جمالا من البطلة فبقى التمثيل بالمنشطات هو سقف الطموح وفى وجهة نظرى هولاء البشر يمارسون الحب زى الأفيال فى موسم التزاوج على قناة عالم الحيوان كنوع من العنف للوصول لنهاية الطريق سريعا دون الاستمتاع بالرحلة.

على جروب نسائى على الفيسبوك شاركت أحدى العضوات مقال يتكلم عن طريقة هندية لممارسة الجنس ” Tantric sex ” ويعنى توسيع الطاقة وهو نوع من الجنس البطىء الذى يركز فى الأساس على زيادة الحميمية والأرتباط الروحى وليس الجسدى فقط بين الشريكين، والتعليقات كانت مختلفة بين نساء لديها القدرة على مشاركة المقال مع زوجها ونساء لا تستطيع ونساء لن تهتم بالتجربة أكلها الفضول فقط للقراءة.

..سر نجاح أى علاقة بين اتنين فى ثلاث كلمات سحرية

* التركيز .. فكرة أنك مركزمع عشر ستات وبتقارن ست واحدة بيهم بيدفعك أنك تركز مع سلبياتها وناقصها ايه عنهم وبيخليك مش قادر تبقى راضى أو مكتفى معاها وفكرة أن الست بتقارن راجل بعشر رجالة جنبه فى عقلها بيرفع سقف توقعاتها فيه جدا وبتحس دايما أنه مش مالى عينها مهما عمل، ركز على الشخص اللى بتحبه وغمض عينك عن الباقى لأن كل الناس وهى بعيدة حلوة، قانون فى الحياة ” الضفة الاخرى من النهر أكثر اخضرارا”

* المحاولة .. كل البشر بينهم مشاكل لكن عمرك ما هتفهم هى بسيطة هتتغيرأومعقدة لازم تهجر وتبدأ مع شخص جديد إلا لوحاولت بكل الطرق تحل مشاكلك مع الشخص نفسه الأول، المعافرة فى تجربة وسائل جديدة لاسعاده أو لو مشكلة طبية أو نفسية يبقى عند دكتور متخصص شاطر، المهم تبقى عافرت لاخر نفس فيك علشان لو النصيب انتهى تبقى مش ندمان مع اللى بعده أنه طلع زيد زى عبيد وأحمد هو سى أحمد

* التواصل .. الطريقة المثلى للقرب بين البشر هى الحوار..

هتعرف تحل مشاكلك ازاى وأنت مش بتناقشها ؟!

هتعرف تركز مع شخص واحد ازاى وأنت مش قادر تتكلم معاه ؟!

.هتعرف هو مبسوط معاك أو زهقان ازاى لو ماسألتهوش ؟! ربنا خلق البشر بيتكلموا لحكمة كبيرة .. أذن يجب أن تستغلها جيدا

.من الخطايا المشتركة فى الحياة أن البشر لما تبدأ حياتهم الجنسية واحد فيهم بيقررأنه يختبر التانى بدل ما يتواصل معاهأن الراجل يشوف أنه مش هيطلب اداء معين لكنه منتظره طول الوقت ولومحصلش بالظبط بيروح يدورعليه مع ست غيرها، والست مش هتطلب علشان عيب الكلام فى الحاجات دى ممكن يفتكرها عارفة وفاهمة وخبرة ويشك فيها فبتسكت وتعيش حالة من الحرمان

فيسقطوا معا فى دائرة الصمت ومنها إلى أعماق الخيانة أوالغضب بينما الحل كان بسيط من الأول التركيز .. المحاولة …التواصل.